Arbana Osmani u kurorëzua në martesë me regjisorin Eduart Grishaj të shtunën që lamë pas. Çifti kishte vendosur që në mënyrë kategorike asnjë nga të ftuarit të mos postonte foto apo video në rrjete sociale.
Megjithatë disa prej tyre e thyen këtë rregull duke ndarë imazhe personale dhe detaje të vogla nga dasma e çiftit. Një prej të ftuarve ishte edhe Yll Limani, i cili edhe ka sjellur disa fotografi të ndryshme nga Toskana.
Ylli u pa veshur me një kostum me ngjyrë mente të kombinuar me këmishë të bardhë në ceremoninë e mbajtur paradite në kishë. Këngëtari solli edhe foto brenda ceremonisë ku mund të shihej në numër i madh i të ftuarve.
Më pas ai ka publikuar edhe disa foto para ceremonisë së mbajtur në mbrëmje, për të cilën ka zgjedhur një kostum të bardhë me këmishë me vija.
