Nëse keni një llogari në Instagram, që me siguri e keni, vetëm nëse jetoni poshtë gurit dhe si mund të jetojë dikush poshtë gurit, e keni parë kostumin që po bën namin gjithandej.
Ia pamë fillimisht vajzës së Sabianit Keisit, e cila postoi një foto dhe story në instagram e veshur me kostumin e përfolur.
Më pas Oriola Marashit dhe Elena Likës në fotot e publikuara në Instagramet respektive gjatë një seti të vogël fotografik me mikun e tyre, Endrit Mërtirin. Menduam se ishte një ide e bukur, dy shoqe që kombinohen njësoj. Elena e kishte veshur me atlete ‘Nike’, kurse Oriola me një palë çizme të shkurtra Zara.
Bëhet fjalë për këtë kostumin trup Adidas që kushton rreth 100 mijë lek të vjetra.
Pak ditë më pas Dorina Mema doli në studion e Rudina Magjistarit veshur me të njëjtin kostum, kombinuar me sandale me takë.
Ndërkohë një ditë më parë, velina e ‘Xing me Ermalin’, Kejvina Kthella, kishte veshur të njëjtin kostum, teksa pinte kafe, me një pellush hedhur krahëve.
Aktualisht kostumi më popullor në Instagram është veshur nga dy modele, një velinë dhe një modele fitness-i dhe mund ta kuptojmë pse-në. Është i ngushtë, elastik dhe nxjerr në pah çdo defekt sado të vogël, apo asetet në fizik. Ndaj nëse s’keni një trup modeleje, mbase duhet të mendoheni dy herë para se ta blini.