Moderatorja e njohur Elita Rudi dhe reperi Gjiko do të bëhen shumë shpejt prindër për herë të parë. Megjithëse deri tani e kishin mbajtur të fshehtë, çifti vendosi që më në fund të konfirmojë lajmin e shtatzënisë në videoklipin e ri të Gjikos, ku Elita tregon barkun e rrumbullakosur.
Pas konfirmimit të lajmit, moderatorja nuk është fshehur më nga sytë e publikut dhe herë pas here ka ndarë në profilin e saj në Instagram foto me barkun e rrumbullakosur. Së fundmi, ajo ka publikuar një foto të ëmbël që me siguri ja ka shkrirë zemrat të gjithëve.
Elita shfaqet pranë dy mbesave të saj të vogla, të cilat i janë afruar mbi barkun e zbuluar teksa e puthin me shumë dashuri, siç mund ta shihni në foton e mëposhtme.
