Aktori i “Game of Thrones”, Jason Momoa ka bërë një ndryshim të papritur në pamje duke e hequr mjekrën e tij të gjatë që e personifikonte, pas 7 vitesh.
Momoa e mori këtë vendim për të mbështetur një kampanjë mbi shishet e ujit që janë 100 përqind të riciklueshme dhe nuk dëmtojnë natyrën. Aktori u shpreh se po e bën këtë ndryshim tek vetja me qëllim që kështu të bëhen ndryshime edhe në botë.
“Dukem shumë mirë pa mjekër. Dua të bëj këtë ndryshim që të ndërgjegjësoj njerëzit që të mbrojnë natyrën. Le të bëjmë një ndryshim pozitiv për shëndetin e planetit tonë. Le të pastrojmë oqeanet tona dhe tokën tonë”, u shpreh Momoa.
