FLASIN KIRURGËT PLASTIKË/ Ja si e arriti Kim Kardashian “look-un” në “Met Gala”

Kim Kardashian mori vëmendjen e të gjithëve në ‘Met Gala’ dhe pamja e saj ishte padyshim ndër më të bukurat e këtij viti. Ylli televiziv kishte punuar për orë të tëra bashkë me skuadrën e saj për të realizuar një veshje dhe grim që e bënte të dukej sikur ishte e lagur.

Fustani shumë i ngushtë nxirrte në pah në mënyrë perfekte format e saj fizike dhe shumë u habitën nga mënyra si dukej. Por si e ka arritur atë pamje Kim? Mjekët e kirurgjisë plastike kanë zbuluar për ‘Hollyëood Life’, mënyrën që ka përdorur Kardashian për të arritur atë ‘look’. “Kim ka vendosur një korse që bën 70% të punës. As ne me kirurgji plastike nuk do mundeshim ta realizonim atë pamje. Por ajo e ka arritur dhe korseja që ka vendosur nuk e ka lejuar as të marrë frymë. Madje mendoj se kanë vendosur edhe mbushje tek vithet e saj dhe gjoksi për t’i bërë të duken më të ngritura”,-ka shpjeguar kirurgu.

Pra gjërat nuk janë aq të lehta dhe sekreti i Kim nuk është tek aktiviteti fizik apo veshja. /revistawho.com