PASI U MARTUA ME MODELEN/ Justin Bieber më në fund shfaqet me unazë në gisht

Justin Bieber ka publikuar në ‘Instagram’ disa foto ku tregon për herë të parë unazën në gishtin e martesës. Që nga koha kur Hailey dhe Justin u martuan, këngëtari nuk ishte parë asnjëherë me unazë në gisht, por pritjes duket se i ka ardhur fundi. 25-vjeçari më në fund po mban simbolin e lidhjes dhe fansat janë shumë të emocionuar për këtë detaj.Megjithëse në postimin në fjalë, qendra nuk ishte unaza, ajo mori vëmendjen më të madhe. Justin ka nisur promovimin e një marke veshjesh dhe ky duket se ka qenë momenti i madh edhe në aspektin romantik të jetës së tij.Hailey dhe Justin u martuan në fshehtësi muaj më parë dhe u desh pak kohë që gjërat të pranoheshin publikisht. Që nga ajo kohë, lidhja e tyre ka qenë mjaft e diskutuar për shumë probleme që janë bërë publike herë pas here mes dy të rinjve