Për dy sezone rresht, Luana Vjollca është angazhuar në televizion me emisionin “Shiko kush luan”, sezoni i dytë i të cilit u mbyll në janar. Luana do e rikthejë sërish këtë emision në sezonin e ri televiziv dhe ka nisur punën.
Në një intervistë për “1 kafe me Labin”, Luana ka treguar se në sezonin e ri mund të mos e shohim më lojën “Ndaje ose haje” pasi VIP-at pas xhirimeve i kërkojnë ta heqë pyetjen.
“Atë lojën Ndaje ose haje nuk e di a do e bëj më sepse në fund të ftuarit thonë: Luana sa e mirë je, sa e bukur je, por atë pyetjen… Unë s’di gjë sepse është stafi ai që kujdeset për pyetjet që t’i bëjë të vështira”, tregoi Luana.
