Do të të mbeteshin në dorë dhe do të të çudisin. Moda më e re janë flokët portative, që janë më mirë se çdo paruke dhe je e ngjitur. Se mund t`i heqësh dhe t`i ngjisësh sa herë të duash. Me të drejtë mund të jesh habitur kur e ke parë Elvanën te recitali me flokë të shkurtra, pak mbi supe, kurse një javë më vonë doli te Ermali me flokët të gjatë.
S`do kishte asgjë të çuditshme nëse do ndodhte e kundërta, pra do shfaqej njëherë me
të gjata e pastaj të shkurtra se do mendonim që i kishte prerë.
Siç ndodh edhe me Luanën. Po të mos e dinim që ekzistonte kjo mundësia e flokëve që hiqen e vihen sa herë të do qejfi,do mendonim që po shikojmë halucinacione. Në foton e postuar një javë më parë, Luana ishte me flokë mbi supe, pastaj një javë më sot, i paska deri në bel. Ja këtë të bën kjo mundësia. T`i rrit flokët brenda javës duke i dhënë fund makthit të vajzave që vuanin dëshpërimisht se nuk u rriteshin shpejt flokët. Aq sa se ç`ka ca besëtytni që ia hedhin fajin parukieres ku i ke prerë për herë të fundit dhe fazave të hënës.
Edhe Agnesa Vuthaj i heq e i vë sa herë të dojë. Madje çdo ditë. Kur është mundësia, përse jo.
Flokë portative mund të kenë qenë edhe këto të Eneda Tarifës gjatë puntatave të audicioneve të fshehura në “The Voice”. Sapo filluan netët live, flokët ikën. Kaçurelat e mëdha dhe të dendura u zhdukën. Tani mbetën flokët mbi supe dhe të drejtë.
