Dea Mishel po kryqëzohet në rrjet që pas videos që publikoi në Tik Tok për fëmijët jetimë. “Fëmijëve jetimë kur u kërkohet të vizatojnë një shtëpi, vizatojnë një shtëpi normale apo një institucion”, tha ajo.
Blogerja ka marrë kritika dhe reagime të ashpra, madje ka filluar të humbë dhe ndjekësit e saj në Instagram. “Panorama.plus” ka vënë re se nga dita e djeshme në të sotmen ndjekësit e saj kanë shkuar nga 99.2 K në 98.9 K.
Ndërkohë pas gjithë polemikave Dea reagoi duke thënë se nuk ka pasur qëllim të keq dhe duke i kërkuar ndjesë kujdo që mund të jetë prekur nga postimi i saj. Megjithatë, falja nuk është pranuar nga ndjekësit e blogeres të cilët vazhdojnë ta kryqëzojnë në rrjet.
