Ky zbulim tronditës iu bë një gruaje live gjatë “reality-show”-t amerikan “Iyanla: Fix My Life”.
Pasi u rritën bashkë që fëmijë, Brandi u martua me ish-basketbollistin Jason Maxiell në vitin 2010, pas 17 vitesh bashkë. Ata kanë një djalë 6 vjeç bashkë.
Çifti mori pjesë në emision me arsyen se, bashkëshorti i saj kishte probleme me pijen dhe se Jason e kishte tradhtuar me 8 femra gjatë martesës së tyre 8-vjeçare.
Jason tregon se ka pasur marrëdhënie me më shumë se 50 femra gjatë martesës së tyre dhe në këtë moment bashkëshortja e tij del nga studio, ndërsa e quan sjelljen e tij “të shpifur”.
Në një tjetër intervistë, ish-sportisti i Detroit Pistons tregon se ai në fakt ka fjetur me 341 femra gjatë gjithë jetës së tij, por shton se nuk është i fiksuar pas seksit.
“Në atë kohë ishte e lehtë ta bëja, të kënaqesha në atë mënyrë. Nuk e di nëse po kërkoja për diçka tjetër ose po përpiqesha të merrja diçka përmes kësaj”, është shprehur ai.
Ky episod u publikua vetëm së fundmi në Amerikë, por në fakt është regjistruar 1 vit më parë. Pavarësisht kësaj, çifti është ende i martuar, pasi Brandi ndau një foto nga festimet e 9-vjetorit të martesës në Instagram.