E dashura e vëllait të këngëtares së famshme shqiptare, Bebe Rexha, konkurroi në “Miss New York USA”, ku arriti të renditej në 10 më të mirat.
Ajo është Dorina Papraniku , e cila mori dhe mbështetjen e Bebes, e cila postoi foton e saj duke e shoqëruar me flamurin shqiptar.
Së fundmi, Dorina ishte e ftuar në emisionin “Abc e Pasdites”, ku tregoi se është rritur në Nju Jork nga një familje shqiptare me origjinë dibrane.
Gjatë kësaj interviste, modelja shprehu se prindërit fillimisht ishin skeptik për vendimarrjen e saj por më tej u treguan tejet suportues.
Ndër të tjera Dorina shprehu se është shumë e lumtur që mundet të shfaq rrënjët e saj shqiptare nëpër kompeticionet më të mëdha të bukurisë, duke cilësuar se plani e së ardhmes është “Miss Universe”.
Më pas modelja foli edhe në lidhje me romancën e saj me vëllanë e këngëtares së famshme, Florent Rexha. Ajo u shpreh se e ka mbështetur shumë gjatë kompeticionit për Miss.
E pyetur nëse do të kemi së shpejti një dasmë, Dorina tha se “ky është një plan për një të ardhme të largët”. Ajo nuk e mohoi faktin se do të martohet me Florentin.
