Këngëtari i dashur për publikun, Ledri Vula, ishte mbrëmjen e djeshme i ftuar në emisionin “Më lër të flas”, ku rrëfeu nëse është penduar që nuk ka vazhduar lidhjen me këngëtaren e famshme shqiptare, Dua Lipa.
Vula është shprehur që do të jetë pjesë e tregut shqiptar dhe jo atë ndërkombëtar, pasi nuk do të jetë larg familjes.
“Unë dua të mbes në tregun tonë, po të doja do kisha bërë me të jashtmit, por unë vazhdoj me bo këngë me kolegë, s’dua të jem larg familjes”, tha Ledri.
A është penduar që nuk ka vazhduar lidhjen me Dua Lipën?
Nga ana tjetër, Ledri Vula gjithashtu ka zbuluar mesazhin që ka marrë nga Dua Lipa.
“A të kallëzoj të drejtën, më ka bërë përshtypje duke e marrë parasysh që është një yll botëror, se nuk e kam prit që të më përgëzonte pas natës në Sunny Hill, s’më ka shkruajtur vetëm mua, por mua edhe Lumin na ka shkruar Dua Lipa”, tha Ledri.
