Prej kohësh është komentuar shumë në media e rrjete sociale se Alban Ramosaj është në një lidhje me modelen Niki Delijorgji. Ishte kjo e fundit që postoi një video duke kërcyer me këngën e Albanit dhe deklaroi se ai këtë këngë ia kishte kushtuar asaj. Më vonë Albani i ftuar tek “Rudina”, e konfirmoi lidhjen, por duke mos dashur të flasë më shumë. Ditën e sotme Niki ka tërhequr sërish vëmendjen duke postuar në Instastory një foto ku shfaqet me barkun e rrumbullakosur. “Urime babush”, shkruan modelja duke etiketuar Albanin, por me siguri ky postim ishte një shaka mes dyshes.
