ALKETA VEJSIU ZBULON SUPRIZËN/ Gazetari i njohur italian i ftuar në “Në kurthin e Piter Pan” (FOTO)

Një ndër emisionet më të ndjekura të televizionit “Klan”, “Në kurthin e Piter Pan”, po mbyll rrugëtimin edhe për këtë edicion të dytë. Përballë gazetarëve më të famshëm të momentit janë ulur disa nga personazhet më të njohur të Shqipërisë dhe Kosovës, të cilët nuk kanë mundur t’ju shpëtojnë pyetje pikante të vogëlushëve. Siç duket rrethi i të ftuarve do të zgjerohet edhe më tej, sepse Alketa ka zbuluar një surprizë të këndshme për këtë të hënë. Moderatorja e njohur ka treguar se javën e ardhshme do të jetë i ftuar një nga gazetarët dhe autorët të progameve më të njohura në Itali, Gabriele Parpiglia. Gabriele ka një eksperiencë të gjatë në televizion, për një kohë ka punuar pas kamerave dhe më pas ka realizuar spektaklet më të ndjekura në Itali si: “Maurizio Costanzo Show”, “Isola dei famosi”, “Big Brother VIP”.Alketa ka treguar se është shumë e lumtur që ai e ka pranuar ftesën dhe fëmijët do të zbulojnë si e ka nisur punën si gazetar, si ka qenë fëmijëria e tij, si është bota e televizionit italian. Ndërsa Gabriele ka thënë se e pranoi me shumë kënaqësi ftesën e moderatores shqiptare, sepse të dy kanë ndjekur pothuajse të njëjtin rrugëtim në karrierë.Alketa Vejsiu ka arritur të ruajë shumë miqësi me kolegë përtej Adriatikut dhe është e njohur edhe në shtetin fqinj dhe ftesa e Gabriele Parpiglia sapo e vërtetoi këtë gjë.