Ana Lleshi ka marrë qindra urime nga të afërmit, fansat dhe miqtë me rastin e ditëlindjes. Një ndër urimet më të veçanta e ka marrë nga Atdhe Xharavina, me të cilin ka pasur disa takime romantike kur ishin pjesë e “Për’puthen”.
Madje puthja e parë e dhënë në programin e dashurisë ka qenë pikërisht mes tyre. Teksa Ana do të largohej përfundimisht nga programi, Atdheu u ngrit dhe e puthi në buzë, duke i habitur të gjithë me gjestin e papritur.
Teksa ka postuar një foto të bukur me Anën, Atdheu shkruan: “Edhe 100 të tjera të lumtura. Nuk mjaftojnë fjalët të flas për ty njeri që përballon çdo sfidë në jetë. Jam shumë i lumtur që të kam njohur”.
Më pas Xharavina ka postuar një foto të shkëputur nga një puntatë e “Për’puthen Prime” teksa kërcejnë së bashku.
“Vajza e ditëlindjes. Ti plotësoftë Zoti gjitha dëshirat në jetë”, shkruan ai krahas kësaj poze.
