Kejvina Kthella së fundmi është parë në shoqërinë e aktores së njohur Anna Likës dhe disa figurave të tjera shumë të njohura në showbizin shqiptar.
Vajzat publikojnë shpesh foto e video me njëra-tjetrën dhe ditën e djeshme kanë treguar për fansat se kanë udhëtuar së bashku drejt Milanos.
Në një postim të Kejvina në Instastory, shohim se vajzat kanë tërhequr vëmendjen e të gjithëve duke vrapuar në mes të qytetit të Milanos. Ajo që i ka bërë të gjithë të qeshin është fakti se Anna pa ngurruar, ka nisur të këndojë me zë të lartë në italisht.
Aktorja ka grumbulluar plot njerëz të cilët u ulën në rrugë për ta parë, ndërkohë që ajo performonte dhe vajzat e tjera e filmonin duke qeshur.
