Vendosur në 2,200 metra lartësi në shpatet e pjerrëta të Himalajeve indiane dhe të rrethuar nga majat e mbuluara me akull të Khangchendzonga, malit të tretë më të lartë në botë, gjenden kodrat që rrethojnë Darjeeling.
Elefantët e egër dhe tigrat bredhin në kreshtat e luginës dhe manastiret budiste ngjiten në shpate, por këtu ndodhen edhe plantacionet e çajit smerald, që shpesh konsiderohet si “shampanja e çajit” duke i dhënë gjithashtu famë ndërkombëtare.
Secili nga 87 llojet e çajit në Darjeeling është i njohur për prodhimin e erëzave aromatike dhe salcave të tilla.
Por në qoftë se udhëtoni edhe 33 km më në jug, aty gjendet një nga fabrikat më të vjetra të çajit në botë. Aty do të gjeni një varietet të rrallë me gjethe të holla dhe me boçe.
I njohur si “Silver Tips Imperial”, çaji mblidhet në netët e qeta me hënë të plotë, që krijon kushtet optimale të korrjes.
Ky çaj mistik nuk është vetëm kozmik, por edhe i kushtueshëm: në vitin 2014, çaji shitej me një vlerë prej 1,850 $ për kilogram, duke e bërë atë çajin më të shtrenjtë të prodhuar ndonjëherë në Indi.
Themeluar në vitin 1859, “Makaibari” thuhet se është fabrika më e vjetër e çajit në Darjeeling dhe biznesi i parë në botë i çajit biodinamik.
Ndryshe nga shumica e fermave që mbështeten në tokë dhe tek bima për korrjen e tyre, “Makaibari” shikon drejt qiellit. Ajo i përmbahet ritmit të planetit dhe një kalendar qiellor për të përcaktuar kohën e duhur për të rrëmbyer gjethet e saj të çajit gjatë sezonit të vjeljes nga marsi deri në tetor.
Në natën e parë të plotë të hënës së mesme nga mesi i marsit deri në maj (një periudhë e njohur si “rrjedhja e parë’), kur oqeanet kanë valën më të larta dhe nivelet e ujit tek bimët ulen, fermerët e Makaibarit besojnë se niveli i lartë i oksigjenit dhe energjisë kombinohen për të prodhuar një shije mbresëlënëse të çajit. Dhe kështu, sapo të dalë dielli, punëtorët e plantacionit përgatiten për një ngjarje unike që është pjesa ceremoniale.
“Silver Tips Imperial” mund të korret vetëm katër deri pesë herë gjatë sezonit. Para çdo korrje, qindra punëtorë “Makaibari” të stolisur me veshje mblidhen pas muzgut në shpatet e plantacioneve.
