Që kur ngeli shtatzënë, Zaimina është treguar gjithnjë e më e hapur për sa i përket jetës së saj personale. Dikur, dinim thjesht që ishte në një lidhje jetëgjatë me dikë. Sot, dimë shumë më shumë. Për shembull, tradhtia nuk është ndonjë mëkat i pashlyeshëm për këngëtaren.
Në promon e puntatës së kësaj të shtune të “Shiko kush luan”, Zaimina i përgjigjet pyetjes “çfarë do të ndodhte nëse, larg qoftë, do t’ju tradhtonin partnerët.” “Jo, nuk do të ndahesha,” thotë ajo. “Po, [do t’ia falja].”
Çdo çift është ndryshe dhe për sa kohë, Zaimina ndihet mirë me zgjedhjen e saj, ne dhe ju s’kemi ç’themi.
Për herë të parë, Zaimina dhe Klodi dolën publikisht në janar të këtij viti, kur publikuan fotot e sesionit fotografik shtatzënë. Ata janë prindër të një vajze 9-muajshe, të quajtur Chloe.
