Në rast se nuk e njihni, kjo në foto është Chrissy Teigen, mbretëresha e Twitter-it, shefja më e zonja e kuzhinës në Instagram dhe super gruaja e John Legend.
Teigen, njihet gjithashtu për përgjigjet e saj rrufe në rrjete sociale, të cilat bëhen padyshim virale në mbarë internetin sa hap e mbyll sytë. Ditën e djeshme, modelja postoi një foto të 10 viteve më parë në llogarinë e saj të Instagram-it.
Ndonëse të gjithë ranë dakord se dukej një yll, ka nga ata të cilët duan me çdo kush t’i prishin qetësinë asaj.
“Waw sa bukur dukesh! Para se të bëje gjoksin dhe të fryheshe në fytyrë! Dukeshe natyrale dhe plot shkëlqim. Të dy vazhdoni të dukeni bukur gjithsesi.”- lexohej në një prej komenteve.
Pavarësisht tentativave të fanses për ta zbutur komentin e saj paksa të hidhur, Chrissy nuk është aspak mendjelehtë dhe e ndjeu negativitetin në ajër.
“Gjoks dhe ndërhyrje? Zhduku me gjithë komplimentet e tua tendencioze.”- ia kthen ylli, por duket se inati nuk i doli lehtë.
“2 fëmijë dhe 10 vjet midis.”- vazhdoi ajo si për t’i kujtuar që pas një dekade ndodh që bëhesh nënë, ndryshon dhe kurrsesi s’mund të jesh më njësoj.