Historia e ngacmimeve mes Era Istrefit dhe Dj-it me famë botërore Diplo, ka kohë që ka nisur, por gjërat me sa duket janë bërë më serioze kohët e fundit.
Në një foto të re ku këngëtarja shfaqet tepër seksi me një look ndryshe nga sa jemi mësuar ta shohim, Diplo nuk mund të rrinte pa i bërë disa provokime.
Fillimisht e ka ngacmuar për pipëzat plastike që Era po përdorte për pijen e saj, dhe këngëtarja shqiptare nuk ka qëndruar duarkryq por i ka kthyer përgjigje menjëherë:
“Duhet të ndalosh së përdoruri pipëza plastike”, i shkruan ai ndërsa Era ia kthen: “Çfarë të keqe kanë pipëzat plastike? Nuk dua të prish buzëkuqin”.
Më pas Diplo e ka propozuar në sy të të gjithëve, duke i thënë se do të dicorcohet për të.
“Do të jap divorcin për ty”.
Era nuk i ka kthyer përgjigje këtij komenti, por fansat e saj nuk e kanë pritur mirë aspak. Disa prej tyre i kujtojnë Diplo-s së është i moshuar për këngëtaren dhe baba.
Në të vërtetë, 41-vjeçari Diplo nuk është i martuar edhe pse mamaja e djalit të Diplo-s, Kathryn Lockhart është përfolur si gruaja e tij. Ata e nisën romancën në vitin 2009 dhe një vit më pas ajo lindi djalin e tyre.
Lockhart punonte si bariste dhe më pas e la punën për t’u bërë një nënë me kohë të plotë. Çifti nisi bashkëjetesën por marrëdhënia e tyre u ndërpre në 2014-n.
Gjatë kohës kur Diplo ishte duke flirtuar me këngëtaren Katy Perry, dolën fjalët se Lockhart ishte sërish shtatzënë me atë që do të bëhej djali i dytë i Diplos.
DJ-i madje i mori të dy djemtë si shoqërues për çmimet “Grammy 2017”.
Pra, shkurtimisht Diplo nuk është i martuar dhe mund të flirtojë me Era Istrefin sa herë të dojë!
