Gjithçka është e mundur nëse ndihmojmë njëri-tjetrin dhe këtë mesazh na përcollën këta fëmijë që po arrijnë të fitojnë betejën me sëmundjet.
Aurela Gaçe ndau me ndjekësit e saj dy lajme të gëzuara nga prindërit e dy fëmijëve, të cilët falenderojnë të gjithë ata që kanë kontribuar për kurimin e tyre.
“Miq, nuk është kërkesë për ndihmë. Është falenderim që bëjnë familjet. Këtu në këtë faqe e kudo ku prindërit kanë mundur të kërkojnë ndihmë, thirrja e klithma e prindit ka arritur të dëgjohet nga ju e sot doja vetëm t’ju lajmëroja se fëmijët po ia dalin”, nis postimin e saj këngëtarja.
Ajo publikoi në Instagram disa foto të dy fëmijëve, të cilët ndodhen në spital, por po arrijnë të mposhtin sëmundjet.
“Falë ndihmës e falë atyre njerëzve qe kanë kontribuar diçka e mirë ka ndodhur, e ky është një lajm kaq i bukur. Më i bukuri për prindin teksa sheh fëmijën duke luftuar e duke ia dalë. Ju do t’ia dilni vogëlushë luftëtarë. Ta dini se keni me vete shumë lutje, shumë njerëz që edhe pse nuk ju njohin personalisht, dëshirojnë t’ju shohin vetëm të buzëqeshur e të jetoni jetën”, vazhdon më tej në postimin e saj Aurela.
