Capital T do mbajë sot në sheshin “Nënë Tereza” një koncert madhështor që po pritet me padurim nga të gjithë ata që kanë rezervuar biletat. Capitali do performojë disa nga hitet e tij më të njohur, por nuk do jetë vetëm në skenë sepse prej disa ditësh janë zbuluar një sërë artistësh që do ngjiten në skenë.
Së fundmi edhe këngëtari i preferuar i publikut, Ylli Limani me anë të një postimi në Twitter ka konfirmuar se do performojë sonte.
Capital T dhe Ylli kanë bashkëpunuar për këngën “Unë” të publikuar vite më parë. Reperi ka ftuar në koncert thuajse të gjithë kolegët me të cilët ka bashkëpunuar si Majk, Dhurata Dora etj.
