E PYESIN PËR FOTON ME BIKINI NË PLAZH/ Ja si reagon Bebe Rexha

Që pas incidentit me stilistët në ‘Grammy Awards’, Bebe Rexha është kthyer në një nga personazhet që mbështet më shumë femrat që nuk ndihen të sigurta me trupin e tyre. Këtë mbështetje ajo e tregon nëpërmjet statuseve dhe fotove që shpeshherë publikon në rrjete sociale, duke përhapur sa më shumë pozitivitet në lidhje me peshën. Sipas ‘TMZ’, këngëtarja shqiptare është ndaluar nga disa gazetarë pasi ka mbërritur në aeroport dhe e kanë pyetur në lidhje me foton që ka publikuar me bikini dhe pa ‘photoshop’. “E dua trupin tim. I dua të pasmet e mia të shëndosha dhe jam shumë krenare për këtë”, është shprehur Bebe. Kujtojmë se gjatë një interviste për ‘Health Magazine’, Bebe tha se shumë persona mendonin se ajo kishte bërë operacion plastik, por kjo gjë nuk është aspak e vërtetë sipas saj.