Këngëtarja Besa Kokëdhima ka lajmëruar së fundmi që së bashku me Rovena Dilon, Eneda Tarifën dhe Irma Libohovën do të mbajnë në datën 16 maj një koncert madhështor në Pallatin e Kongreseve.
Katër këngëtaret e njohura do të jenë këtë të shtunë të ftuara në emisionin ‘Xing me Ermalin’ ku do të flasin më shumë për këtë koncert live që titullohet ‘Divas Show’.
Por këngëtares Besa kokëdhima i ka ndodhur e papritura ndërsa ka qenë duke xhiruar për emisionin e të shtunës. Moderatori i emisionit të njohur Ermal Mamaqi i ka vjedhur celularin këngëtares dhe ka filluar të xhirojë video pa dijeninë e saj.
Në videon e postuar në profilin e saj në Instagram shihet Emrali duke vrapuar pasi Besa e vuri re që telefoni i saj mungonte. Kjo video komike ka shkrirë së qeshuri ndjekësit e këngëtares dhe vetë Ermalin, i cili i ka komentuar:” Pa le të ma kishe lënë më shumë. Ahhahah”.
