Humbja e tyre në sasi të konsiderueshme mund të jetë një shqetësim serioz, proces ky i cili mund të jetë indikator i një mungese vitaminash e lëngjesh në trupin tuaj, transmeton lajmi.net.
Sido që të jetë, një ndër vitaminat kyçe që ndihmon në rritjen e tyre sërish është vitamina E.
Vitamina E është një antioksidant i jashtëzakonshëm që ndihmon në ri-ndërtimin dhe riparimin e indeve të moshës. Kur kjo vitaminë aplikohet në lëkurën e kokës, ajo ndihmon në riparimin e folikulave të dëmtuara dhe zvogëlon inflamacionin, duke bërë floktë që të rriten lirshëm.
Vitamina E ka veti të forta të mbajtjes së flokëve të kondicionuara. Duke përdorur vitaminë E rregullisht, ju mund të eliminoni thatësinë, duke rezultuar në flokë të fortë dhe të butë.
Në ditët e sotme, vitamina E mund të gjendet në shumë shampo dhe produkte të tjera të kujdesit të flokëve.
Krahas përfitimit në flokë, vitamina E ndihmon edhe në normalizimin e niveleve të pH-së, si dhe përmirëson qarkullimin e gjakut.
Ushqimet të cilat janë të pasura me këtë vitaminë janë bajamet, avokadot, kivi dhe vaji i embrionit të grurit.