Fotografi i njohur shqiptar Fadil Berisha do të bëhet për herë të parë gjysh. Vajza e tij Violeta u martua në qershor të vitit të kaluar në Amerikë, por me një dasmë që ruajti traditat shqiptare.
Ditën e djeshme babai i saj Fadil publikoi një video, që zbulon gjininë e fëmijës që pret e bija.
Zbulimi i gjinisë u organizua me një festë të veçantë të organizuar nga nëna e saj, që mblodhi të gjithë të afërmit e çiftit.
Dhe momenti kulmor ishte kur Violeta me bashkëshortin Ron Garcia shpërthyen fishekzjarrët me xixa blu. Ishte ai momenti kur të gjithë të pranishmit bashkë me çiftin zbuluan gjininë e foshnjës që do të vijë në jetë.
