Ashtu si çdo vit tjetër e gjithë familja mbretërore u bashkua këtë ditë Krishtlindje për t’u lutur dhe për të dhënë urimet për të gjithë njerëzit. Pavarësisht se prej kohësh flitet se marrëdhënia mes dy çifteve Kate-William dhe Meghan-Harry nuk është e mirë, sot ata hodhën poshtë të gjitha thashethemet. Të katërt u shfaqën të bashkuar dhe të lumtur përkrah njëri-tjetrit.
Me qindra fansa ishin mbledhur për të përshëndetur familjen mbretërore, por sigurisht që vëmendja më e madhe ishte e drejtuar nga Kate dhe Meghan. Middleton kishte zgjedhur të vishej me një pallto me ngjyrën klasike të kuqe të Krishtlindjes. Ndërsa Markle ishte veshur me të zeza, me një fustan që i nxirrte në pah barkun e rrumbullakosur.
