Ajo është një ndër moderatoret e njohura shqiptare, e cila me emisionin e saj “Studio e hapur” ka arritur të mbaj mbërthyer para ekranit publikun shqiptar. Bëhet fjalë për gazetaren dhe prezantuesen e njohur Eni Vasili, e cila gjithmonë e mban larg vëmendjes së publikut jetën e saj private dhe shumë pak gjëra dihen për të.
Në daljen e saj të radhës moderatorja e njohur i ka habitur të gjithë teksa është shfaqur me një unazë të madhe fejese. Sipas ‘Joq.al’ gjatë promovimit të librit të saj Eni është shfaqur me një unazë tepër të shtrenjtë, e cila tërhoqi vëmendjen e të pranishmëve.
Por ajo është penduar më vonë dhe në një dalje në ‘News 24’ pak minuta më pas, u vu re se unaza e saj vezulluese mungonte, pasi Eni e kishte hequr atë nga gishti i fejesës.
