Disa ditë më parë bëri xhiron e rrjetit video ku Roza Lati e puthi reperin Fero në buzë gjatë emisionit të saj. Gjithçka nisi nga një koment i fansit të Rozës, i cili e pyeste moderatoren teksa ajo bënte një video live, nëse Roza ishte apo jo e lidhur me Feron.
Roza ju përgjigj se kishte një të dashur tjetër dhe këtë gjë e sqaroi edhe disa ditë më parë në emisionin e saj, ku kishte të ftuar reperin Fero.
“Sa herë që futem live më bëjnë komente a është e vërtet që kam diçka me Feron. Mua më duket se njerëzit duan të na shohin bashkë. Po sikur t’ja bëjmë qejfin njerëzve? Po sikur të të puth unë ty një çik tani bëhet?”- e pyeti ajo Feron dhe u afrua që ta puthë në buzë.
Megjithëse kanë kaluar disa ditë nga puthja në mes të emisionit, mesa duket Fero nuk e harron dot atë moment dhe ka publikuar sot në profilin e tij në Instagram videon e puthjes.
“Patjetër që po”- shkruan reperi, duke etiketuar në postimin e tij Roza Latin.
