Të gjithë kanë një moment të sikletshëm apo të vështirë që do e mbajnë mend gjatë gjithë jetës aq më tepër nëse ky incident për shembull u ka ndodhur personazheve të njohur gjatë kohës që kanë qenë në skenë.
E ftuar këtë të shtunë në emisionin “Thumb” Rudina Dembacaj u ka rrëfyer dy moderatoreve Aulona Musta dhe Fatma Haxhialiu se gjatë kohës që i është dashur të performojë në skenë për pak sa nuk i ka plasur apandesit.
“Në “Al Pazar”, ishte gati të më shpërthente apandesiti, shkova në urgjencën e Kombinatit. Më thanë duhet ta operosh. Isha dyll e verdhë, një zot e di si kam dalë në skenë. Pastaj shkova në spital sa mbaroi shfaqja.”,- ka treguar Rudina duke pranuar se ka qenë një moment tejet i vështirë.