Me siguri e keni ndjekur me kuriozitet dhe shumë humor, “gërricjen” e vazhdueshme që Luana dhe Marina Vjollca kanë edhe publikisht me njëra tjetrën, teksa garojnë se cila merr vëmendjen më të lartë të motrës së madhe, Lirës. Aq na ka shijuar kjo garë virtuale sa as ne, nuk po duam të përfundojë me aq sepse kemi nisur t’i llogarisim postimet e tyre në Instagram si episode të ndonjë seriali komedi.
Megjithatë, si dhëndër i shtëpisë, Getoari dhe një verdikt shumë interesant mbrëmjen e djeshme. Teksa ai dhe Marina po pushojnë disa ditë në Belgjikë, ai ka shkrepur një foto me mbesën e Marinës, Jorin (që me shumë mundësi e njihni të gjithë prej Instagramit) dhe ka shkruar: “me më të bukurën”.
Sigurisht, komentet e ndjekësve kanë vërshuar menjëherë duke treguar se në këtë mënyrë, Getoari kontriboi tek “fitorja” e Marinës si motra e preferuar e Lirës pasi i lavdëroi publikisht vajzën.
I zgjuar Getoari por na do mendja edhe i sinqertë, pasi mbesa e Marinës dhe Luanës është vërtet mjaft simpatike dhe duket se ka trashëguar nga ato tiparet më të bukura.
