Fero dhe Rina, reperët të cilët bëjnë pjesë në të njëjtin label, i kanë dhënë fund miqësisë së tyre. Dyshimet nisën kur dyshja e hoqën njëri-tjetrin nga rrjetet sociale dhe tanimë shkaku është mësuar. 
“Rina dhe Fero kanë pasur pakënaqësi vitin e fundit në vazhdimësi, sidomos nga tendenca për protagonizëm dhe për përvetësimin e punëve. Reperja kishte mbetur tejet e hatëruar nga një paraqitje e Feros në një emision vitin e kaluar mirëpo me intervenimin e menaxhmentit e tejkaluan mospajtimin”, ka thënë një burim për “Prive.al”.
Shkaku që i ka prishur marrëdhëniet e tyre ka qenë veprimi i Feros i cili pak ditë më parë u shfaq duke kërcyer me këngët e Taynës dhe Melindës.
“Ky veprim i Feros ka përshkallëzuar hatërmbetjet dhe nga ai moment artistët nuk flasin me njëri-tjetrin. Rina nuk e tejkalon pabesinë që iu bë nga ish-shoku i cili vendosi të tentojë të afrohet me rivalet e saj. Bashkë u duhet të paraqiten në koncerte por vetëm kaq. Paraqitjet e përbashkëta publike janë vetëm për të mos ndikuar në datat e caktuara paraprakisht për performanca”, shtoi burimi për “Prive.al”.
