Enca ka publikuar pak më parë projektin e ri muzikor që po pritej me padurim që prej ditës kur njoftoi se po vjen me një bashkëpunim. “Hajde” mban titullin kënga që Enca e ka sjellë në bashkëpunim me këngëtarin e njohur Muharrem Ahmetin.
Kënga është shumë ritmike dhe pritet të ndez klubet duke u kthyer në hitin e verës.
Në videoklip Enca shfaqet e veshur me të kuqe teksa qëndron mes balerinave ndërsa në skenë të dytë shfaqet e ulur me Muharremin në një tavolinë prej ari dhe me kristale.
Në skenën e fundit këngëtarja shfaqet si sulltaneshë mes djemve dhe vajzave.
Videoklipi vetëm në pak minuta ka arritur mijëra shikime në Youtube.