Capital T ka bërë një status në Instagram rreth rastit të rëndë të 11 vjeçares nga Prishtina. Sipas tij protesta që u zhvillua ishte vetëm për t’u dukur pasi tani askush nuk po flet më për të.
“A e dini çfarë më dhemb më së shumti? Që sot askush nuk po flet për skandalin e përdh*nimit, a mbaroi tani? 1 ditë protesta dhe mbaroi, të bëhet çfarë të bëhet. Këtu është gabimi që ne lodhemi shpejt vetëm sa t’i bëjmë fotot për Instagram dhe mbaroi, çfarë ndodh nuk ka rëndësi. Nuk ka për t’u ndalur tani deri sa të ndryshohet çdo ligj. Edhe qoftë nevoja për ta djegur këtë vend duhet ta bëjmë se as ky shi që po bie s’ka për të na i larë mëkatet”, ka shkruar reperi.
