Jennifer Lopez dhe Ben Affleck u panë duke u kënaqur në një shfaqje publike të dashurisë ndërsa ishin në Los Angeles këtë fundjavë.
Çifti i famshëm i showbizit organizoi një martesë luksoze në një pronë të stilit plantacion në Georgia muajin e kaluar dhe më pas kaluan muajin e mjaltit në Itali.
Megjithatë, ata janë kthyer në shtëpi në Los Angeles, ku u panë me binjakët e Jenniferit, Max dhe Emme, 14 vjeç, ditën e djeshme, teksa shkonin në një qendër për adoptimin e kafshëve.
Jennifer, e cila i ka binjakët e saj me ish-bashkëshortin e saj të tretë dhe më të fundit, Marc Anthony, duket qartë se nuk mund “të ngopej” mebashkëshortin e saj, ndërkohë që janë fotografuar duke u parë gjatë në sy.
Të porsamartuarit dukej se ishin pamja perfekte e një çifti të dashuruar teksa ishin ngjitur pas njëri-tjetrit kur po ecnin nëpër një parking me fëmijët e këngëtares.
Çifti kishte përshtatur edhe veshjen, të dy kishin veshur bluza të holla të bardha verore.
Megjithatë, ndërsa këngëtarja e hitit “Booty” kishte veshur xhinse të ngushta që theksonin fizikun e saj, Ben ishte veshur me pantallona më të lirshme.
Jennifer mund të dallohej duke e tërhequr Benin afër dhe duke i pëshpëritur në vesh, ndërsa çifti shijonin një shëtitje së bashku.
Ndërkohë, binjakët e Jenniferit, të cilët ishin në dasmë, si dhe tre fëmijët e Benit me ish-bashkëshorten e tij Jennifer Garner, dukeshin se ishin në gjendje të mirë shpirtërore ndërsa ishin me një mik.