Luiz Ejlli ka gati këngën e tij të re që është një dedikim për partneren Kiara Tito. Ai ka postuar një video romantike, ku shfaqet krah moderatores, e cila mban në qafë varësen që këngëtari i ka dhuruar gjatë qëndrimit në shtëpinë e “Big Brother VIP 2”.
“Kiara, shpirtin ty ta fala dhe më doli fjala, Ti e di je thesari im, Kiara, shpirtin ty ta fala”, janë disa nga vargjet e këngës që pritet të publikohet së shpejti.
Kiara është shprehur e emocionuar për këtë dedikim dhe i uron çdo gruaje të ketë një Luiz.
“Faleminderit që më bën të lumtur, çdo ditë. I uroj çdo gruaje një Luiz në jetën e tyre. E jotja përgjithmonë”, shkruan Kiara.
