JETA E PAUL WALKER/ E pasqyruar në një dokumentar pesë vite pas aksidentit… (VIDEO)

Aktori i njohur i filmit “Fast & Furious”, Paul Walker ndërroi jetë në vitin 2013 në moshën 40-vjeçare, për shkak të një aksidenti tragjik. Për të sjellë në kujtesën e publikut të githa pasionet e Paul, është përgatitur një dokumentar televiziv që do të shfaqet muajin e ardhshëm. Ky dokumentar quhet “Unë jam Paul Walker” dhe është prodhuar nga “Network Entertainment”. Për të paralajmëruar dokumentarin në “Youtube” është publikuar një “trailer” i shkurtër, ku Paul shfaqet në periudha të ndryshme të jetës. Gjithashtu në të ka disa intervista nga familjarët dhe miqtë e tij më të ngushtë. “Atij i pëlqentë të ecte shpejt”, – tregon njëra nga motrat e Walker në dokumentar. “Unë jam Paul Walker” do të shfaqet për herë të parë në 11 gusht në “Paramount Network”.