Të gjithë ju fansat e çiftit simpatik Fotini dhe Danjel, mund të qetësoheni.
Çifti jo vetëm që nuk i ka dhënë fund marrëdhënies siç u përfol prej mëngjesit, por përkundrazi. Ata kanë ndarë një lajm super të bukur.
E kontaktuar nga “Pop Culture” Fotonia tregoi se shtatori është muaji i planeve të mëdha. Dyshja po përgatiten për ceremoninë e dasmës, të cilën e kishin përfolur që pas daljes nga “Big Brother”.
“Vazhdojmë, jemi shumë të lumtur dhe po përgatisim ceremoninë e dasmës në shtator”, citohet të ketë thënë Fotinia sipas gazetarit Kelvi Kadilli.
Ceremonia martesore ishte parashikuar të mbahej gjatë vitit të kaluar por nuk ndodhi. Ndaj dhe çifti më i përfolur në media, e kanë rezervuar ditën e tyre të madhe për në vjeshtë!
