Më 9 mars të vitit 2015, moderatorja Arbana Osmani u bë nënë për herë të parë.
Ajo solli në jetë vogëlushin Joni, i cili sot mbush plot 5-vjeç.
Duket se festa ka nisur që në mëngjes në shtëpinë e tyre dhe Arbana ka ndarë në Instagram një foto shumë të ëmbël me Jonin.
“Çdo ditë me ty është festë jeta ime! Zoti e di sa shpirt të kam! Gëzuar ditëlindjen bekimit tim më të madh, zemra ime është plot.”- janë fjalët e ngrohta të Arbanës për të voglin e saj.
Prej kohësh moderatorja është munduar të tregohet e rezervuar lidhur me jetën e saj private dhe e ka mbajtur Jonin larg syrit të mediave.
Mirëpo, duket se muajt e fundit e ka bërë këtë përjashtim dhe po shohim shpesh poza të ëmbla me Jonin në profilin e saj në Instagram.