Tashmë është zyrtare! Justin Bieber është fejuar me modelen Hailey Baldwin dhe çifti do të martohet së shpejti.
Gjatë fundjavës u përhap lajmi se, këngëtari 24-vjeçar i kishte drejtuar pyetjen e famshme “A do të martohesh me mua?”, modeles 21-vjeçare, ndërsa ishin me pushime në Bahamas.
E gjitha kjo ndodhi të shtunën e 7 korrikut dhe të hënën në mbrëmje më në fund Justin konfirmoi lajmin emocionues në Instagram.
Bashkë me dy foto bardhezi të çiftit, këngëtari shkruan se është i dashuruar pas çdo gjëje të Hailey dhe është i përkushtuar të kalojë pjesën tjetër të jetës duke njohur çdo detaj të saj.
Ai gjithashtu zbuloi edhe nënkuptimin e datës së fejesës, duke shkruar se koha e Perëndive është me të vërtetë perfekte, pasi u fejuan në datën 7 të muajit të 7, i cili është numri i përsosmërisë shpirtërore.
“Do të prisja pak kohë për të thënë çdo gjë, por fjala udhëton shpejt, dëgjo pastër dhe thjeshtë, Hailey unë jam kaq i dashuruar me gjithçka tënden. Pra, jam i angazhuar për të shpenzuar jetën time duke njohur çdo pjesë tënde, të të dua me durim dhe me ëmbëlsi. Premtoj ta udhëheq familjen tonë me nder dhe integritet, duke e lënë Jezusin nëpërmjet Frymës së Shenjtë të na udhëzojë në gjithçka që bëjmë dhe në çdo vendim që marrim. Zemra ime është plotësisht e jotja dhe unë gjithmonë do të vendos ty në krye! Ti je dashuria e jetës sime Hailey Baldwin dhe unë nuk do ta kisha dashur ta kaloja me dikë tjetër. Ti më bën të ndihem kaq mirë dhe ne e përgëzojmë njëri-tjetrin kaq shumë! Mezi po pres për sezonin më të mirë të jetës! Është qesharake, sepse tani me ty gjithçka duket të ketë kuptim! Gjëja për të cilën jam më i emocionuar është se vëllai dhe motra e vogël do të shohin një martesë të shëndetshme, të qëndrueshme dhe do të kërkojnë të njëjtën gjë. Koha e Zotit është me të vërtetë e përkryer, u fejuam në ditën e shtatë të muajit të shtatë, numri shtatë është numri i përsosjes shpirtërore, është e vërtetë, kërkojeni në “Google”! A nuk është çmenduri? Nuk e kisha planifikuar këtë, gjithsesi ndihem mirë që do ta sigurojmë të ardhmen tonë bashkë! Do të jemi më mirë në të 70-tat zemër! “Ai që gjen një grua, gjen një gjë të mirë dhe merr favore nga Zoti!” Ky është viti i favorit!!”, shkruhet në dedikimin e Justin Bieber.
