Këngëtari Ardian Bujupi vetëm së fundmi ka realizuar projektin muzikor “Meine Liebe” në bashkëpunim me Elvana Gjatën. Ky projekt muzikor rezultoi të ishte një sukses pasi u pëlqye shumë nga publiku.
Ardiani prej disa kohësh ka lajmëruar për albumin e tij më të ri, të titulluar “Rahat”. Përmes një postimi në instagram ai ka bërë të ditur që albumi do dalë në treg me datë 6 shtator.
Përpos albumit, Ardiani ka një surprizë vërtetë të bukur për fansat e tij. Ai ka vendosur t’iu japë autografe fansave dhe në letrën ku do iu nënshkruajë do jetë i bashkëngjitur numri i tij i telefonit. Duke qenë se fansat janë shumë të interesuar për projektet e reja, ai ka zgjedhur Whatsappin, si mënyrë komunikimi me to për t’i mbajtur të informuar për çdo lëvizje të re. Fansat e këngëtarit janë shumë të emocionuar dhe mezi po presin.
