Këngëtari i mirënjohur muzikës popullore, Bujar Qamili ishte i ftuar në “Klanifornia”, ku u bë pjesë e intervistës së Marinës. Moderatorja i kërkoi Bujarit të tregonte një rast kur ishte ndjerë në siklet. Këngëtari tregoi se kur ndodhej në Selanik të Greqisë, një fanse kishte bërë gafën e madhe duke i ngatërruar emrin.
Marina Vjollca: Mund të na tregosh një situatë kur ti je ndjerë në siklet dhe të ka ardhur zor nga vetja?
Bujar Qamili: Isha një rast në Selanik dhe ishte darkë vonë. Kërkonim që të hanim diçka dhe na thanë që pak metra më andej është një lokal dhe është në banak një shqiptare. Shkuam. Kur u futëm brenda ajo i ra ballit me dorë. Ua, ua, ka ardhur tha Ismail Qemali, Qemal Ismaili, Qamili, Bujar Qamili…
