Ajo është një nga këngëtaret e njohura shqiptare e cila pas përfundimit me sukses të konkurrimit të saj në “Kënga Magjike” vitin e kaluar lajmëroi publikisht që është në pritje të një fëmije.
Bëhet fjalë për këngëtaren Blerina Braka, e cila ditën e sotme ka dhënë lajmin e bukur që është bërë nënë për herë të parë të një djali.
Lajmin e ka dhënë vet Blerina nëpërmjet një postimi në profilin e saj në Instagram, ku ka publikuar një foto të ëmbël të dorës së vogëlushit duke zbuluar edhe emrin e veçantë që i ka vendosur.
“Mirëserdhe në jetë biri im Edeil. Faleminderit i madhi zot që më bekove me këtë mrekulli”, ka shkruar Blerina pranë fotos duke marrë kështu dhe shumë urime nga ndjekësit e saj.
