Pas një periudhe mungese dyvjeçare në ekranet shqiptare, është rikthyer sërish në shtëpinë e saj mediatike “Top Channel” spikerja e njohur e lajmeve Monika Stafa.
Stafa është shfaqur ditën e sotme në edicionin e drekës së orës 15:00 në Top dhe duket se koha ka mbetur në vend për të qe prej largimit nga studioja e lajmeve, me të vetmin ndryshim në look: syzet optike.
Monika Stafa u largua nga Top-i pas 15 vitesh, si një nga fytyrat ikonë të edicionit të lajmeve në televizionin “Top Channel”, pasi u zgjodh si kryetare e Këshillit të Ankesave në Autoritetin e Mediave Audiovizuale (AMA).
