Era Istrefi ka konfirmuar duetin e shumëpritur nga fansat e saj!
Në një intervistë për “Telegrafin”, këngëtarja ka bërë të ditur se së shpejti publikon duetin me motrën e saj, Norën.
“Do të sjell atë që po e presin fansat tash e një kohë. Një këngë shqip me motren time, Norën. Ky do të jetë një ndër projektet e mia të ardhshme në mesin e disa bashkëpunimeve tjera”, ka thënë Era.
Sukseset po ndjekin nga pas këngëtaren shqiptare, veçanërisht pasi arriti të përzgjedhet artistja që performon këngën zyrtare të Kampionatit Botëror, në duet me Will Smith dhe Nicky Jam.
