“Big Brother VIP Albania” i erdhi fundi, por me fitoren e Ilir Shaqirit, kanë ardhur dhe shumë krisje mes produksionit të Top Channel dhe vëllezërve, Veshaj.
Së fundmi, kjo përçarje ka prekur edhe prezantuesen e programit Arbana Osmanin dhe aktorin, Donaldo Veshaj.
Donaldi ka vendosur që të mos e ketë më ‘follow’ në Instagramin e tij Arbanën, ndërkohë që kjo e fundit e ndjek ende aktorin.
Jo vetëm kaq, pasi Donaldi ka fshirë nga Instagrami i tij edhe emisionin që iu bë dhuratë nga produksioni i Top Channel, i titulluar “Më Lër të Flas”.
Këtë emision ai do ta moderonte me vëllain e tij, Romeo Veshaj, por duket se edhe ky i fundit ka hequr dorë nga projekti, duke bërë të njëjtin veprim si Donaldi.
Madje, mbrëmë u bë e ditur se binjakët së bashku me Trixën kishin refuzuar të shkonin në afterparty me ish-banorët e tjerë dhe produksionin.
Gjithashtu Donald Veshaj ka reaguar për herë të parë në rrjetet e tij sociale me anë të një videoje falënderuese për të gjithë njerëzit që e kanë mbështetur.
Aktori shprehet se nuk e fitoi “Big Brother VIP Albania”, por ka vendosur që me 100 mijë euro nga xhepi i tij të ndërtojë 4 shtëpi për njerëzit në nevojë.
