Ditën e djeshme në rrjet qarkulloi lajmi se dy këngëtaret e talentuara, Elvana Gjata dhe Eleni Foureira, kishin bërë xing me të njëjtën veshje.
Bëhet fjalë për një fustan i cili është i krijuar me fruda voluminoze tyli dhe tek beli lidhet me një korse të zezë që nxjerr në pah format trupore.
Fillimisht, fustanin e publikoi në Instagram stilistja e njohur greke, Irene Angelopoulos, e cila kishte zgjedhur ngjyrën rozë për Elenin.
Pas saj, Elvana Gjata foto me të njëjtin model fustani të stiluar nga Valdrin Sahiti, por në një tjetër ngjyrë.
Të gjithë u bëmë kuriozë të dinim se cila ishte puna origjinale dhe cila punë e kopjuar.
Stilistja greke ka reaguar për “Bordo.al”, duke u shprehur se ajo e ka prezantuar fustanin 2 muaj më parë, në koleksionin e mbajtur në “Paris Fashion Week”.
“Sapo lexova artikullin tuaj dhe dua të përmend faktin se krijimi im është shfaqur në sfilatën time në Paris në muajin Shator, 2 muaj më parë!!! Kjo është fotoja e shkëputur nga pasarela në Paris Fashion Week. Eleni e veshi fustanin të martën por e publikoi foton dje. Ne e bëmë të parët. Nuk ka kopjim nga ana jonë.”- është shprehur stilistja.