Luana Vjollca publikon prapaskenat e bashkëpunimit me Bujar Qamilin: Projekti që kam realizuar me më shumë qejf

Nuk është bërë akoma një javë nga publikimi i këngës “Mi dhe flakë mallit tim” dhe klipi ka arritur me mijëra klikime në ‘Youtube’. Bashkëpunimi interesant mes këngëtarit të muzikës popullore Bujar Qamilit dhe moderatores Luana Vjollca është pritur mjaft mirë nga publiku. Kënga përcjell ritme verore dhe videoklipi i saj na afron shumë me atmosferën e detit. Për realiziin e tij duket se janë dashur disa orë mjaft të lodhshme por që Luana, Bujari dhe protagonistët e tjerë i kanë shijuar në maksimum. Luana ka publikuar një video ku tregon prapaskenat e xhirimeve dhe tregon se ky është klipi që e ka realizuar me më shumë qejf. Ajo gjatë gjithë kohës është mjaft e lumtur dhe përpiqet të mbajë me çdo kusht atmosferën e grupit.