Përfundimisht mamatë janë të gjitha njësoj, pa asnjë dallim. Për to nuk ka rëndësi as vendi, as mosha e fëmijës, e as ora e mbrëmjes. Për të dhënë këshilla dhe sugjerime janë gjithmonë alerte. Siç është edhe Majlinda që me të urtë e me të butë, sapo ia dha Kejdës së saj një sugjerim.
Vajza, si shumë të tjera, paska qejf të zezat, në mos të zezat, ngjyrat e zbehta, jo ato të fortat. Po sot e ka bërë një përjashtin. Ka veshur një xhaketë të kuqe dhe shkruan: “Vesha ngjyra, të paktën për një herë”. Dhe nuk mungoi komenti i Majlindës i bërë me rimë madje: “You look nice / do it twice”, pra “Dukesh këndshëm, bëje dy herë”. E pas këtij e atyre të tezeve, Kejda do ta vërë këshillën në zbatim.