Është një nga produktet e grimit më të rëndësishme për femrat. Nga ata që bëjnë ndryshimin menjëherë. Megjithatë kohët e fundit duket se është lënë pak në hije.
Buzëkuqi është ndoshta miku më i mirë i një femre, i lehtë për t’u mbajtur me vete, i aftë për të sjellë ndryshim, ai nuk mund të dalë kurrë nga moda…Megjithatë vajzat e ekranit, që përcaktojnë tendencat, këto kohë kanë nisur të orientohen drejt fryrjes së buzëve me mënyra të ndryshme sesa drejt nuancave të buzëkuqëve dhe u mjafton një shkëlqyes apo një buzëkuq neutral për buzët e plota.
Loja me ngjyrat duket si një fushë e mbetur pa lojtaret që i japin gjallëri, por ka ende nga ato që e luajnë këto lojë, vajza me buzë natyrale që ndryshojnë ngjyrën e buzëve sipas veshjes apo ditës…Marina Vjollca është një nga ato.
Në fotot e moderatores simpatike, sheh që ajo e zotëron shumë mirë artin e buzëkuqit…Të kuqe, vishnje, me nuanca rozë ose bezhë, vjollcë, me shkëlqim ose pa, të çelëta ose të errëta…duket se Marina e ka gjithmonë me vete një buzëkuq që i vë vulën e stilit pamjes së biondes…
Duket si një lojë e harruar, si një fantazi e papërdorur ngjyrash, në kohën e zgjidhjeve artificiale të buzëve të fryra e të mbuluara me ngjyra neutrale, që sjell gëzim.
